Segur, siam en montanha,
Ma pas luènh de la mar.
Jamai degun si lanha,
Minga coar es amar.

De tant en tant lo vent
Arriba fins aquí,
Ma sabi que li gents
An pas de que sofrir

Sobre d'aquesta tèrra
Qu'es da Dieu benedida,
E dins cada carriera
Un doç perfum de vida

Emperla lo matin
Coma lo fresc aigalh
Quora au bòrd dau camin
Lo soleu m'ai sieus rais

Lo vèn faire brilhar.
Dins aqueu paradís,
Ieu mi voali arrestar,
N'en far lo mieu país.