Lo Còmpte permete de prepauar ò
de tirar d'azard un nombre de 101 à 999 (sonat "lo còmpte")
pi 6 nombres (sonats "placas") entre 24 : (1, 2, 3, 4, 5, 6, 7, 8, 9, 10
en doi exemplaris et 25, 50, 75, 100 en un exemplari solet).
La finalitat dau juèc es de trovar lo còmpte (ò s'en aprochar) en emplegant un còup solet caduna dei 6 placas m'ai operacions aritmetiqui : l'adicion, la sostraccion, la multiplicacion e la division en restant dins l'ensemble dei nombres entiers naturals non nuls (entiers estrechament positius).
Aqueste programa permete sobretot de calcular toti li solucions independenti d'un tiratge donat.
L'espaci de juèc es compauat de diferenti partidas :
Au mitan, li a lo tableu negre dont son
presentats lu calculs.
Sus la benda roge escur son presentadi li 6 placas.
Sota d'aquesta benda, li crotz senhàlon
li placas emplegadi dins lo calcul.
Sota de la benda roja, au mitan, si tròva
lo còmpte que cau trovar (en jaune).
Sota dau menut orizontal, li a de botons :
Lu promiers 4 perméton de passar d'una
solucion à una autra.
Lo boton en forma de calculeta permete de recercar
li solucions per li placas e lo còmpte prepauats ò tirats
d'azard.
Li solucions s'afíchon dins l'òrdre
dau mai simple au mai complicat (vèire la descripcion de critères
exacts dins li anèxas).
Lo boton blau permete d'obtenir d'informacions
sus li solucions trovadi (vèire Informacions e estatisticas).
Lo darrier boton permete d'obtenir d'informacions
sus li estatisticas de tiratges e de calculs sus lu còmptes (vèire
Informacions
e estatisticas).
Lo menut permete d'arribar à d'autri comandas
:
Lo menut debanador Còmpte
permete de definir li placas e lo còmpte que cau trovar, e aquò
de doi biais :
- sigue en lu entrant personalament (prepauat)
- sigue en lu tirant d'azard (placas e còmpte
à trovar)
Lo menut debanador Solucions permete
d'afichar li solucions segond quaucu critères :
- Dau mai simple au mai complicat (equivalent
au boton en forma de calculeta)
- Dins l'òrdre contrari
- À partir de la promiera solucion qu'emplega
un nombre donat de placas (de 2 à 6)
- Enfin, es possible d'obtenir toti li solutions
independenti per toi lu còmptes de 101 à 999 en emplegant
li placas correnti. Vèire La recèrca dei solucions.
Lo menut denador Informacions permete
d'afichar l'ajuda e la fenèstra de dialògue À prepaus.
Dins un promier temps, cau definir li placas
e lo còmpte à trovar.
Cau doncas anar dins lo menut debanador
Còmpte
e chausir entre prepauar e tirar d'azard.
Se la chausida s'es portada sobre lo tiratge
d'azard, li placas e li chifras dau còmpte aparéisson à
mesura.
Se la chausida s'es portada sobre la proposicion,
la fenèstra de dialògue seguenta apareisse :
Lo boton Retorn permete d'anullar la darriera
chausida efectuada correspondent à l'esquiçar d'un boton.
Lo boton Anullar abandona la sasida dei
placas e dau còmpte à trovar.
Permete de sasir lu calculs successius per arribar
au còmpte (ò s'en avesinar).
Lu promiers 6 botons correspoàndon ai
placas e ai resultats intermediaris (es facile de lu destriar !).
Lu botons grisats indícon li placas ò
lu resultats intermediaris ja emplegats.
En bas à seneca, si tròvon lu signes
dei operators aritmetics.
L'òrdre de sasida es aqueu : un nombre,
un signe, un nombre.
Lo resultat correspondent ai operants e à
l'operator s'aficha sus lo tableu negre après lo signe '='.
Cau pi repilhar : un nombre, un signe, un nombre
e totjorn ensin.
Tant leu que lo còmpte es trovat, la sasida
s'arrèsta.
Se lo còmpte es pas trovat, cau emplegar
lo boton Òc per arrestar la sasida.
Lo boton Anullar permete d'abandonar la
sasida.
Enfin, lo boton Refaire, permete d'escafar
toi lu calculs e de tornar començar la sasida despí lo començament.
S'as quauqui minutas, poades demandar li solucions
per toi lu còmptes de 101 à 999 m'ai placas correnti.
Per aquò faire, vai dins lo menut debanador
Solucions
e chausisse la rubrica Toti per lu còmptes de 101 à
999.
Una fenèstra de dialògue s'aficha,
esquiça alora lo boton Recercar.
Acabada la recèrca, poades, au sobran,
chausir l'òrdre d'afichatge dei còmptes trovats (per òrdre
dei còmptes de 101 à 999 ò per òrdre de nombre
de solucions trovadi).
Lo boton Exportar... permete d'obtenir un fichier tèxto dei resultats. Lo fichier es generat automaticament dins lo meme dossier que lo programa, pi es afichat.
Poades arribar à la fenèstra principala e à la fenèstra d'informacions sus li solucions ma après aver clavat la fenèstra de dialògue de recèrca dei solucions dei còmptes de 101 à 999.
Nòta qu'aquela recèrca es pas pilhada en còmpte dins li estatisticas.
Après cada recèrca de solucions,
es possible d'arribar ai informacions que la regàrjon. Per aquò
faire, cau esquiçar sus lo boton aquí sobre per obtenir aquesta
fenèstra :
Vaquí quauqui explicas...
Quadre Temps :
Total (toti solucions)
Temps total (en millisegondas) de la recèrca
de solucions.
Promiera solucion trovada
Temps necessari (en millisegondas) per trovar
la promiera solucion.
La tieu solucion
Temps qu'as mes (en millisegondas) per trovar
la tieu solucion.
Quadre Solucions :
Còmpte à trovar
Còmpte à recercar per tu e per
lo computador.
Melhor(s) resultat(s) trovat(s)
Resultat mai pròche dau còmpte
à trovar.
N'i en pòu aver doi se lo melhor resultat
es avesinat.
Nombre de possibilitats envisatjadi
Nombre total de possibilitats percorrudi pendent
la recèrca per trovar toti li solucions.
Posicion de la tieu solucion
Reng de la tieu solucion dins lo classament dei
possibilitats que son estadi envisatjadi. Per lu critères de classificacion,
se reportar ai anèxas.
Nombre de solucions independenti
Lo programa presenta solament li solucions independenti,
es-à-dire que es retenguda unicament una solucion dins un ensemble
de solucions equivalenti.
Posicion de la tieu solucion
S'as trovat la melhora solucion possibla, lo
programa ti dona alora lo reng de la solucion equivalenta à la tieua
entre li solucions independenti.
Nombre de solucions à n placas
Nombre de solucions independenti qu'an necessitat
l'emplec de n placas.
Dins la linha d'estatut, es afichat lo nombre de possibilitats envisatjadi (avant lu ':') per cada nombre de placas emplegadi (après lu ':').
À cada moment, es possible de consultar
li estatisticas que si cumúlon à mesura de l'utilisacion
dau programa. Per aquò faire, cau esquiçar sus lo boton aquí
sobre per obtenir aquesta fenèstra:
Vaquí quauqui explicas...
La promiera colomna de chifras regarja la recèrca de solucions dau computador. La segonda regarja li tieus recèrcas de solucions.
Quadre Cumulacions :
Li chifras dins aqueste quadre ne aumènton totjorn...
Còmptes recercats
Nombre de còmptes recercats. La diferença
entre tu e lo computador dona lo nombre de còups qu'as anullat la
sasida d'un còmpte.
- m'ai còmptes trovats
- m'ai còmptes avesinats
- m'ai còmptes prepauats
- m'ai còmptes tirats
Reparticion dei còmptes.
Solucions (Total/Reng)
Cumulacion dei solucions independenti trovadi
per lo computador d'un costat.
Cumulacion dei posicions dei còmptes qu'as
trovat en regard dau nombre de solucions independenti correspondenti dau
computador.
Possibilitat (Total/Reng)
Cumulacion dei possibilitats envisatjadi pendent
li recèrcas de còmptes per lo computador d'un costat.
Cumulacion dei posicions dei solucions qu'as
trovat en regard dau nombre de possibilitats que lo computador a envisatjat.
Temps 1era solucion (ms)
Cumulacion dau temps necessari (en millisegondas)
per trovar la promiera solucion (per lo computador unicament).
Cumul du temps necessari (en millisegondas) per
sasir lo tieu calcul (per tu unicament).
Temps toti solucions (ms)
Cumulacion dau temps necessari (en millisegondas)
per trovar toti li solucions (per lo computador unicament).
Quadre Proporcions e mejanas :
S'agit dei proporcions (percentatge) e mejanas que regàrjon li chifras precedenti.
Per la linha Rengs solucions/possibilitats, aquò ti regarja solament e s'agisse dau simple rapoart (en %) indicat dins lo quadre Cumulacions per li linhas Solucions e Possibilitats.