INFORMATICA
E
OCCITAN

 
 
 ACUÈLH
RETORN AU SOMARI "DIVÈRS"
 
OCCITANISAR LO COMPUTADOR
Una idèia per vèire la dubertura ò la clavadura deWindows se faire en occitan (article en niçard pareissut dins LA BELUGA n°13, abriu de 2000 e possibilitat de telecargar de fichiers ja lèsts)
DUBERTURA/CLAVADURA
FONS D'ECRAN
TELECARGAMENTS
CARACTÈRES PARTICULIERS
Cu a jamai agut de problemas per escriure un simbòle fonetic dins WORD ò lei caractères accentuats (í,ó, etc) indispensables à l'occitan? Quàuquei respònsas...
LEGIR
BOTTIN
Bottin es un annuari electronic, à gratis, tot en occitan...
LEGIR
TELECARGAR
STAR DOWNLOADER Per telecargar en occitan, un logiciau à gratis... ANAR
WORD
Word en niçard... Es possible...
LEGIR
DICCIONARIS WORDPrepausi mei diccionaris de correccion personaus, que pòdon rendre servici...ANAR
PDFCREATOR
Programa per crear de fichiers PDF
LEGIR
EASY CLEANER
Programa per netejar lo computador (basa de registre, fichiers en doble...).
LEGIR
DOCX2RTF
Programa per convertir un fichier docx (Word 2007 ò mai tardier) ò odt (Open Office ò Libre Office) en rtf.
LEGIR
TOT EN ÒCSite per telecargar de logiciaus en occitan (Firefox, Libre Office, etc.)LEGIR

 
OCCITANISAR LO SIEU COMPUTADOR
(sota Windows)
(fach à partir de Windows 98)

     Bon, aquò es plus d'actualitat ambé lei computadors modèrnes, mai per la nostalgia...

     E perqué pas emplegar aquélei fichier coma fons d'ecran? 

Parli pas dau mai simple, es à dire de donar ai fichiers de noms en occitan. Aquò es aisat: basta clicar sus "Renommer" e escriure lo noveu nom (mèfi que fonciona pas per la "Corbeille").

      Ma quora volètz amurcir lo voastre computador (dii pas "ordinator" à la francesa, ma "computador" à l'espanhòla, dau latin "computare"), Windows vos marca dins un promier temps "Fermeture de Windows", pi "Maintenant vous pouvez éteindre votre ordinateur en toute sécurité".

      Vaquí cen que cau faire per modificar aquelu messatges:

1) Clicar sus "Démarrer", "Paramètres", "Options des dossiers", "Affichage". Activar l'opcion "Fichiers cachés - Afficher tous les fichiers"; (lu fichiers que volèm modificar son de fichiers esconduts).

2) Durbir lo dorsier "Windows".

3) Copiar lu fichiers "logow.sys" e "logos.sys". N'en metre una còpia de costat (en cas de problema ulterior, es ben de lu poder recuperar...) e una còpia sus lo Bureu.
4) Sus lo Bureu, durbir "logow.sys". En despièch de l'aparença, es pas un fichier "sistema", e lo cau durbir m'un programa de pintura (MS Paint, per exemple).Apareisse l'image de la fenèstra m'au messatge "Fermeture de Windows". Aquí, cau levar lo messatge, escriure "Clavadura de Windows" (ò un autre messatge personalisat coma "e cric e crac es acabat"), refaire lo fond coma un artista e tornar clavar lo fichier.

5) Durbir parierament lofichier "logos.sys". Apareisse lo messatge de fin. Lo cau levar e escriure à la plaça "Aüra podètz amurcir lo voastre computador en tota seguretat"; (aquí parier si pòu metre un messatge personalisat, coma "adieu, bícol, à un autre còup").Après, si pòu clavar lo fichier.

6) Verificar que lu doi fichiers son totjorn à pas mai de 127 Ko cadun, pi lu podètz metre dins Windows à la plaça dei fichiers d’origina.

Aüra, quora amurcerètz lo voastre computador, si farà en niçard...



Per la dubertura de Windows, s'avètz un fichier "logo.sys", alora podètz faire coma aquí sobre. Mai bessai que l'avètz pas (basta verificar mé la foncion "Recercar". Avètz una autra solucion, simpla: emplegar lo logiciau 1ST IMPRESSION, que se pòu trobar à gratis sobre http://www.gromada.com.
Se pòu tambèn emplegar WINECRANS, à gràtis sobre http://www.multimania.com/ailpemi/WinEcrans.htm
 

TELECARGAR UN MODÈLE

Totalament à gratis, s'entende... Mai un pichòt corrier m'agrada totjorn...
(Per l'installacion, vèire aquí sobre ò  legir lo fichier "Instruccions" qu'es jonch ai fichiers.sys)
(Lei fichiers son au format ZIP)



"Clavadura de Windows

 

(Fenèstra classica de Windows, i a que lo tèxte que càmbia) 

"Ara podètz clavar vòstre computador en tota seguretat"


(ambé bandiera provençala de sang e d'aur) 

"Aüra podètz amurcir lo voastre computador en tota seguretat"


(mé l'aigla niçarda) 

"Ara podètz clavar..."

(parier coma aquí sobre, mai ambé la crotz occitana) 
 
 

Naturalament, n'en podètz crear d'autres, en emplegant leis instruccions aquí sobre... Alora, sariatz ben braves de me lei mandar...  

Dubertura de Windows

 


Lei cinc fichiers

SOBRAN DE LA PAGINA
FONS D'ECRAN HTML

Tres fons d'ecran html:
computador niçard
computador provençau
computador occitan

Clicar sus lo liame.
Enregistrar la pagina.
D'un clic drech, durbir lei proprietats dau Bureu.
Modificar lo fons d'ecran.

(testats mé Windows 98 e Windows XP)
CARACTÈRES PARTICULIERS

    Promiera constatacion: escrivi pas gaire en francés, mai sovent en occitan,en italian, en espanhòu, e emplegui tambèn de simbòles fonetics quand fau un article ò una cronica sus la lenga. E m'enuèia d'anar perdre de temps en faguent un inseriment de caractères especiaus. Aquò se pòu corregir facilament dins WORD: d'úneian ja una escorcha prevista, per leis autres la podètz faire facilament.

     Coma? Clicatz sus "Insérer", pièi "Caractères spéciaux", cercatz lo caractère que vos interèssa, clicatz sobre, pièi clicatz sus "Touche de raccourci". Après, escrivètz l'escorcha que volètz (s'es ja atribuida à un autre caractère,lo computador vos dirà...). Pièi clicatz sus "Attribuer"e clavatz la fenèstra. Vaquí, es programat.

     Solament, aquò fonciona ben dins WORD, mai pas totjorn dins d'àutreis aplicacions. Dins KOMPOZER, per exemple, que m'a servit à faire aquesta pagina, pòdi pas escriure  ú ,ni  á ,etc. sensa passar per l'insercion de caractèrs especiaus.

     Aquí, fau aver lo còde dei caractères.

     Vaquí doncas un tableu (incomplet, lo sabi, mai ja tras qu'utile):
 
 

CARACTÈRES
ESCORCHA WORD
CÒDE
á
Ctrl + 4, A
Alt + 160
í
Ctrl + 4, I
Alt + 161
ó
Ctrl + 4, O
Alt + 162
ò
Ctrl + Alt + 7, O
Alt + 149
ú
Ctrl + 4, U 
ò Alt + ù
Alt + 163
È
Ctrl + Alt + 7, Maj + E
Alt + 212
É
Ctrl + 4, Maj + E
Alt + 144
Ì
Ctrl + Alt + 7, Maj + I
Alt + 222
Í
Ctrl + 4, Maj + I
Alt + 214
Ò
Ctrl + Alt + 7, Maj + O
Alt + 227
Ó
Ctrl + 4, Maj + O
Alt + 224
Ù
Ctrl + Alt + 7, Maj + U
Alt + 235
Ú
Ctrl + 4, Maj + U 
ò Ctrl + Alt + ù
Alt + 233
À
Ctrl + Alt + 7, Maj + A
Alt + 183
Á
Ctrl + 4, Maj + A
Alt + 181
Ç
Ctrl + , , Maj + C
Alt +128
Ctrl + Alt + E
Alt + 0128
ø
Ctrl + /, o
Alt + 155
Ø
Ctrl + /, Maj + O
Alt + 157
¿
Alt + ,
Alt + 168
¡
Ctrl + Alt + !
Alt + 0161
§
Maj + !
Alt + 245
 
Alt + 0137
©
Ctrl + Alt + C
Alt + 184
{
Ctrl + Alt + 4
Alt + 123
}
Ctrl + Alt + +
Alt + 125
Ai pas'ncara trobat lo còde d'àutrei simbòles qu'emplegui regulierament en fonetica (lambda, epsilon,etc.). Tota informacion m'interèssa! Me lei podètz mandar:  
Bottin, qu'es aquò ?
Descripcion;Informacions;Limits
Bottin es un programa d'annuari. Permete de retenir un maximòm d'informacions sus de personas, coma un quasernet d'adreiças, mai saup retenir ben mai d'nformacions per t'ajudar à gerir tei contactes. Pòu, per exemple, te ramentar l'anniversari à una data pròcha d'un amic, ò encara estampar una envelòpa automaticament, compausar un numero de telefòne per tu... 

Bottin retèn leis informacions dins de fichiers que pòdon contenir cadun 2000 abonats. Per cada abonat, pòdes indicar leis informacions seguentas :

· Nom d'ostau, pichòt nom e civilitat (Dòna, Sénher,ò autre)
· Anotacion, per ajónher un comentari sus l'abonat
· Profession
· Societat, ò organisacion, e servici onte trabalha l'abonat 
· Datas de naissença e de fèsta de l'abonat, e àutrei datas importantas
· Fòto de l'abonat
· Votz de l'abonat sota forma d'escapolon sonòre 
· Fòto d'fichar per defaut s'as pas la fòto de l'abonat
· Nòtas brevas que tòcon l'abonat
· Numeros de telefòne de l'abonat
· Adreiças de l'abonat
· Alarmas que perméton de t'avertir de l'anniversari de l'abonat ò de te ramentar quauqua ren en rapòrt amb aquel abonat à una data donada
· Dorsier que permete d'entrar d'entresenhas divèrsas sus l'abonat
· Tièras que l'abonat li apartèn, çò que permete de classar leis abonats en foncion de mai d'un critèri 
· Claus de seguretat (coma PGP...) e mots de passa en rapòrt ambé l'abonat
· Indicacion d'autorisacion d'estampatge per defaut

 Pòdes entrar fins à 1000 numeros, 1000 adreiças e 1000 claus de seguretat per abonat. Lo nombre totau dei tièras d'un fichier pòu pas despassar 64.

TELECARGAR 
 


Un logiciau à gratis, tot en occitan, per telecargar mai rapidament, interrompre e reprendre lei telecargaments, sensa "spyware", sensa publicitat...
TELECARGAR
WORD en niçard!
Faire foncionar WORD en occitan!

Es possible!

(Naturalament, cau aver WORD ja installat,
que la revirada prepauada aquí permete solament l'afichatge en occitan...)

aigla
(fach m'una vièlha version de Word, normalament non fonciona mé Word 2007 ni 2010...)
wordoccitan  

TELECARGAR telecargar word occitan

 
WORD
DICCIONARIS


Mon trabalh d'escrivan me fa emplegar correntament de tractaments de tèxte, especialament WORD. Ai creat de diccionaris personaus, que recàmpon doncas lei mots emplegats dins tot çò qu'ai escrich.
Lei meti volontiers à la disposicion dau public.
Naturalament, se quauqu'un lei vòu completar, me manda sei fichiers e lei meti parierament en linha.

Niçard                                        
Provençau (grafia classica)          
Provençau (grafia mistralenca)    
PDFCreator
PDFCreator es un programa à gratis, que permete de crear de fichiers au format PDF
(de durbir per exemple m'un autre programa à gratis, Foxit Reader) foxit

Cau telecargar lo programa PDFCreator en clicant sus lo boton: boton
Après, cau telecargar lo fichier occitan.ini, actualisat lo 31 de decembre de 2011, disponible aquí, e lo plaçar dins lo dossier "languages". Après, cau aviar lo programa e causir "occitan" dins la tièra.

EasyCleaner es un programa à gratis per netejar lo computador (fichiers inutiles, basa de registre...).
Ara fonciona en occitan!
Si pòu telecargar aquí la version 2 e aquí lu fichiers per l'occitanisar se l'as ja installada...
S'as encara la version 1.7f (en particulier se ton computador fonciona sus un sistema ancian, tipe Win 98), fonciona finda en occitan. Es telecargabla aquí. Li explicas d'installacion son dins lo dossier (lo Zip contèn lo programa e tot çò que fa mestier per lo faire foncionar en occitan).


Entre autres logiciaus liures, docx2rtf, que permete de durbir de fichiers Word 2007 sensa aver Word 2007 e de fichier odt sensa aver Open Office.
Lei fichiers son convertits en rtf ò en pdf ò estampats.
Promier interès: es à gratis.
Segond interès: se pòu emplegar en occitan (niçard). Basta telecargar lo fichier lng e lo plaçar dins lo dossier "languages" dau programa.

Precision: lo fichier lng aquí presentat es en niçard e en grafia classica. Mai cadun lo pòu adaptar (autre dialècte, grafia mistralenca) sensa dificultat: Basta durbir lo fichier amé un tracatment de tèxte (tipe Wordpad), modificar e enregistrar lei modificacions.

Tot En Òc

L'associacion "Tot en òc" regropa de traductors benevòls de logicials.
Nòstre objectiu es de metre a disposicion de cadun totas las aisinas informaticas en lenga occitana !

ANAR SUS LO SITE