LO   SEMENAIRE

 

Que resterà
De cen qu’escrivi ?
Que resterà
De cen que dii ?
Semeni, semeni…
Que resterà
De cen qu’escrivi?
De cen que dii
Que resterà ?
N’en sabi ren, semeni…

Semenaire de mòts e de folia,
Semenaire de vent e de fantasia,
Un jorn quauqu’un n’en farà meisson…
Semenaire d’espèr e d’armonia,
Semenaire d’amor e de poesia,
Un jorn quauqu’un n’en farà cançon…

Semeni lo gran de la vida,
La lutz d’un printemps qu’espelisse,
Pantais per encuèi,
Veritat per deman
Que florirà.
Semeni l’esperança…
Que resterà ?
N’en sabi ren, semeni…

Semenaire de mòts e de folia,
Semenaire de vent e de fantasia,
Un jorn quauqu’un n’en farà meisson…
Semenaire d’espèr e d’armonia,
Semenaire d’amor e de poesia,
Un jorn quauqu’un n’en farà cançon…

Semeni l’amor per que lève,
La lutz d’un printemps que t’aspèra,
Bessai qu’un matin
Lo soleu naisserà
D’una cançon.
Semeni l’amistança…
Que resterà ?
N’en sabi ren, semeni…

Reinat TOSCANO, lo 27 de julhet dau 2003



 
PER LEGIR ACUÈLH